ಸದಸ್ಯರ ಆರೋಗ್ಯ ನಿಧಿ ಯೋಜನೆ:

ಈ ಯೋಜನೆಯನ್ನು ಅಕ್ಟೋಬರ್ 2002 ರಿಂದ ಪ್ರಾರಂಭಿಸಲಾಗಿದ್ದು, ಈ ಕೆಳಕಂಡ ಖಾಯಿಲೆಗಳಿಗೆ ನಿರ್ದೇಶಕ ಮಂಡಳಿಯು ಗರಿಷ್ಠ ರೂ. 35,000/- ದವರೆಗೆ ಮಂಜೂರು ಮಾಡುವ ಅಧಿಕಾರವನ್ನು ಹೊಂದಿರುತ್ತದೆ. ಯಾವುದೇ ಅರ್ಜಿಯನ್ನು ಪರಿಶೀಲಿಸಿ, ನಿರಾಕರಿಸುವ ಅಧಿಕಾರವು ನಿರ್ದೇಶಕ ಮಂಡಳಿಯದ್ದಾಗಿರುತ್ತದೆ. ನಿರಾಕರಿಸುವ ಬಗ್ಗೆ ಯಾ ಪುರಸ್ಕ್ರತಗೊಂಡ ಬಗ್ಗೆ ಯಾವುದೇ ಲಿಖಿತ ಹೇಳಿಕೆಗಳನ್ನು ನೀಡಲಾಗುವುದಿಲ್ಲ. ಫಲಾನುಭಾವಿಗಳಾಗ ಬಯಸುವ ಸದಸ್ಯರ ಅರ್ಥಿಕ ಪರಿಸ್ಥಿತಿಯನ್ನು ಸಹ ಈ ಸಂದರ್ಭದಲ್ಲಿ ಪರಿಶೀಲಿಸಿ ತೀರ್ಮಾನಿಸಲಾಗುವುದು.

ಸದಸ್ಯರು ವೈದ್ಯಕೀಯ ಚಿಕಿತ್ಸೆ ಪಡೆದು ಗುಣಮುಖರಾದ ಆರು ತಿಂಗಳೊಳಗೆ ವೈದ್ಯರ ದೃಢೀಕರಣ ಪತ್ರದೊಂದಿಗೆ ಬಿಡುಗಡೆ ಪತ್ರ (ಡಿಸ್ ಚಾರ್ಜ್ ಸರ್ಟಿಫಿಕೇಟ್ ) ಮತ್ತು ಬಿಲ್ಲುಗಳ ಅಸಲು ಪ್ರತಿಗಳನ್ನು ನೀಡಿ, ಸದಸ್ಯರೇ ಖುದ್ದಾಗಿ ಬಂದು ಪಡೆಯಬೇಕಾಗಿರುತ್ತದೆ. ಒಬ್ಬ ಸದಸ್ಯನು ತಮ್ಮ ಜೀವಿತಕಾಲದಲ್ಲಿ ಎರಡು ಬಾರಿ ಮಾತ್ರ ಈ ಯೋಜನೆಯ ಉಪಯೋಗ ಪಡೆಯಬಹುದಾಗಿದೆ. ಮಧ್ಯಂತರ ಅವಧಿಯು ಮೂರು ವರ್ಷಗಳಾಗಿರತಕ್ಕದ್ದು. ಸದಸ್ಯರ ವಾರಸುದಾರರಿಗಾಗಲೀ, ಅಥವಾ ಸದಸ್ಯರುಗಳಿಂದ ಅಧಿಕೃತ ಪತ್ರಗಳನ್ನು ಹೊಂದಿದವರಿಗಾಗಲೀ ಈ ಮೊಬಲಗನ್ನು ನೀಡಲಾಗುವುದಿಲ್ಲ. ಚಿಕಿತ್ಸೆ ಪಡೆದ ಸದಸ್ಯರು ಆ ಸಂದರ್ಭದಲ್ಲಿ ಮೃತಪಟ್ಟವರಿಗೆ ಅನ್ವಯಿಸುವುದಿಲ್ಲ. ಚಿಕಿತ್ಸೆಗಳನ್ನು ಪಡೆದ ಸದಸ್ಯರ ಹೊಣೆಗಾರಿಕೆಯು ಬಾಕಿಯಿದ್ದಲ್ಲಿ ಈ ಯೋಜನೆಯ ಮೊಬಲಗನ್ನು ಕೊಡಲಾಗುವುದಿಲ್ಲ. ಆದರೂ ವಿಶೇಷ ಸಂದರ್ಭಗಳಲ್ಲಿ ಮಾನವೀಯತೆ ದೃಷ್ಟಿಯಿಂದ ಸಾಲಕ್ಕೆ ಸರಿತೂಗಿಸಿಕೊಳ್ಳುವ ಅಥವಾ ನೀಡುವ ಅಧಿಕಾರವು ಆಡಳಿತ ಮಂಡಳಿಗೆ ಇರುತ್ತದೆ.

ಸದಸ್ಯರ ಆರೋಗ್ಯ ನಿಧಿ ಯೋಜನೆಯ ವಿನಿಯೋಗದ ವಿವರ: